Akbayan and Anakbayan cancelling themselves out

It's like 1993 again, this time, these groups are not engaged in an ideological war---they are now discussing on who deserves the right to run in a parliamentary elections. Before, they used to debate on who holds the right strategy in effecting the downfall of the Philippine Republic. Now, they are debating why the other is not fit to be allowed to run in the 2013 elections.

Anakbayan and Akbayan are throwing mud at each other, like kids. Anakbayan accuses Akbayan of being a political stooge of the Aquino administration, while the latter raised once more the accusation of the former being the legal front of the CPP-NPA-NDF.

True red or pale red--you choose. 

Akbayan's Walden Bello boasts that their organisation is pursuing a progressive kind of politics, meaning, a yellowish form of Socialism while Anakbayan is simply Red. 

Bello's boast is simply an attempt to hide their true colors--these personalities have been coopted by the State already--like the dreaded Kabapi during the time of the Japanese invasion.

Anakbayan, meanwhile is a confused lot. They want a revolution, but is dying to enter the system and dominate politics. For what?

And I am not entirely surprised anymore why a Socialist-inspired revolution would ever succeed in this country---its leaders are no more than armchair dreamers, sons and daughters of wealthy landlords and bureaucrat capitalists.

Their own process of transformation---from purely ideological literatis (or textbook revolutionaries) to pure revolutionary (those who underwent proletarization process) has been incomplete.

Truly, these groups are both irrelevant. They have retired themselves from true revolutionary work. They don't want to change the system by uprooting it from the ground. 

The only true revolutionary group that I find worthy of my praise as a true-blue mass-based and pro-people political party is the Partido Lakas ng Masa.

Damayang Bayan

Ako'y lubusang napaluha nang ihayag ng ilang mga Youth Groups na sila'y naglunsad ng Tulong Kabataan upang magbigay agapay sa ating mga kababayang nasalanta ng bagyong Juan. 


Pinangungunahan ng NUSP or National Union of Students of the Philippines, kabilang sa Tulong Kabataan ang League of Filipino Students, Kabataan Partylist, Anakbayan, College Editor's Guild of the Philippines at ilan pang mga grupong pangkabataan. 


Halos mapahiya ang iba pang mga grupo sapagkat nangunguna na ang Kabataang Pinoy sa kilusing ito. 


Noong dalawang araw bago pa man sumalanta ang bagyong Juan sa Isabela, nanawagan na ako sa mga grupo na ilunsad na ang Damayang Bayan upang handa ang Sambayanang Pinoy na magbigay agapay sa mga biktima ng ganitong bagyo.


Damayang Bayan--isang konseptong Pinoy na noon pa ma'y naririyan na sa ating kamalayan. Pinalaganap ng Katipunan sa pamamagitan ng Supremo. 


Sa mga Bagong Katipunero, nawa'y makiisa kayo sa Damayang Bayan. Tulungan natin ang ating mga Kabayani na nasalanta ng bagyo sa Isabela gayundin sa ilan pang mga lalawigan sa Hilaga. 

Left-wing infantile disorder sa hanay ng Anakbayan Adamson

Hindi pa man umaani ng rebolusyunaryong tagumpay ang Anakbayan Adamson, umaasta nang extremista ang mga ito sa pagsasabing kailangang "markahan" bilang "anti-komunista" ang mga tulad kong nagbibigay ng komento o analisis sa tambalang Makabayan at pangkating Villar-Zamora. Moderasyon at hindi extremismo ang sosyalismo. Mukhang nararapat kayong tawaging may left-wing infantile disorder nyan at asta kayong pasistang gaya ni Hitler, hindi ni Lenin o Mao. Hindi pa man nakukupo ang tagumpay, astang pasista na ang mga miyembro ng Anakbayan matapos akong "markahan" bilang "anti-komunista" at bahagi raw ng "reaksyunaryong Cojuangco-Aquino".

Analisahin natin kung may basehan ang taguring "reaksyunaryo" sa hanay ng mga Aquino sampu ng mga naniniwala sa kandidatong ito.

Reaksyunaryo bang matatawag ang administrasyong Aquino lalo na sa pagtrato sa kilusan noong nasasa kapangyarihan pa ang dating Pangulong Cory Aquino? Kung ikukumpara sa administrasyong Ramos, Estrada at Arroyo o yaong post-Marcos regimes, mas kiling sa kilusan ang Cory administration kaysa sa mga sumunod na administrasyon. Ang Aquino administration lamang ang nagpakita ng sinseridad sa pagsusulong ng kapayapaan, nagpalaya sa daan-daang political detainees, kabilang na sina Ka Joma at Ka Satur at naging balancer sa military. Oo, sa mga huling araw nito, nagpakita ito ng kahinaan at naging kasapakat ng Estados Unidos ngunit kung susumahin ang mga naging hakbanging ginawa ng Aquino administration, mas lamang ito at tiyak na positibo pang matatawag kahit papaano kumpara sa mga sumunod na rehimen ng kalaban.

Kung susumahin, mas reaksyunaryo ang dinadalang kandidato ng Anakbayan Adamson bunga ng direktang pakiki-alam at partisipasyon ni Manny Villar sa mga gawaing tiwali ng kanyang mga tauhan sa kanyang mga kumpanyang tulad ng Vistaland at Camella Homes. Hindi ko na iisa-isahin ang kanilang rekord sa pangangamkam ng lupain, ng pagpatay sa mga katutubo at mga ordinaryong magsasakang kinamkaman ng kanilang mga sinasakang lupain sa Central Luzon, Southern Luzon, Iloilo at Mindanao para tayuan ng mga sabdibisyon, gayundin ang malakas na linyado at direktang pakikialam ni Ginoong Villar sa manipulasyon ng mga stocks nito sa PSE.

Kung mayroong Luisita si Noynoy, mayroong daan-daang Luisita si Villar. Ilang libong pamilya sa uring magsasaka ang sinira ng mga kumpanya ni Villar na mayroon siyang direktang partisipasyon? Ilang bilyong piso ang ninakaw at kinamkam ni Villar mula sa kaban ng bayan para lamang paboran ng pamahalaan ang paggawa ng mga daan tungo sa kanyang mga sabdibisyon? Ilang bilyong piso rin ang nakuha ng pamilyang Villar bunga ng binangkarote nilang bangko upang makakuha lamang ng mahigit 6 na bilyong pisong ginagamit ngayon sa kanyang pagkampanya?

Ilang beses ring nagpahayag si Villar ng kanyang naising sugpuin ang rebolusyunaryong kilusan at paduguin ito sa sandaling siya'y maging pangulo? Labingisang beses sa samut-saring venues sinabi na ni Villar ang kanyang pagkasuklam sa mga "maka-kaliwa". Ito ba ang kandidatong nararapat alayan ng buhay at panahon? Hindi.

Magkahintulad lamang sina Villar, Aquino, Estrada, Teodoro, Gordon at kung sino-sino pang nangangarap maging pangulo. Sila'y mga kinatawan ng mga naghaharing uring nagnanais na panatiliin ang bangkarote at naghihingalong estado mula sa banta ng rebolusyon mula sa masa.

Sila ang mga mukha ng diumano'y demokratikong pagbabago na isang hungkag na terminong inimbento upang pakalmahin ang nag-uumalab na damdamin at naisin ng masang Pilipino na makapaglunsad ng tunay na rebolusyon.

Sila ang mga pinusisyon ng uring naghahari upang mapanatili ang paniniwala ng mga Pilipino na magkakaroon ng pagbabago sa pamamagitan ng halalan. Ilang beses nang naghalalan sa Pilipinas, nanatili at bagkus, sumama pa ang kalagayan ng bansa.

Sa pagiging asong ulol at pagkatig ng maigi ng Anakbayan Adamson sa pangkating Villar-Zamora, pinapakita lamang ng mga musmos na ito ang kanilang kawalang pagkaintindi sa dinamismo ng pulitika sa ating bansa, gayundin ng kawalang kaalaman sa tunay na sosyalismo.

Kung mayroong dapat markahan ng pagiging anti-komunista, yan ay ang mga miyembro ng Anakbayan Adamson. Sila ang mga di tunay na sosyalista. Sila ang mga batang musmos pa lamang sa kilusan na umaastang may alam sa Komunismo at Sosyalismo gayung sa kanilang kinikilos ay mas maiging markahan silang pasista kaysa sosyalista.

Kung markahan lamang ang pag-uusapan, ngayon pa lamang, kailangang markahang ignoramus sa komunismo at taktikang pang-rebolusyon ang mga ito. Sosyalista bang matatawag ang isang grupong naniniwala pa rin sa halalan? Magbasa pa kayo ng mga akda ni Karl Marx para lumiwanag ang inyong isip na lumabnaw na dahil sa milyong pisong perang ambon sa inyo ng pangkating Villar-Zamora.

Na hindi eleksyon ninuman ang solusyon kundi isang nakapangyayaring rebolusyon.

Sa pagkatig ng maigi sa sinasandalang pader na bilyong pisong kinurakot na pera ng pangkating Villar-Zamora, pinatutunayan lamang ng Anakbayan Adamson ang kanilang lihis at tiwaling paniniwala, hungkag na nga sa kaalamang sosyalismo, kinakakitaan pa ng pagiging sindikato. Astang syndikalismo ang pinapakita ng grupong ito na nararapat lamang markahan bilang mga pekeng sosyalistang walang puwang sa tunay na kilusang rebolusyunaryo.

Markahan at pagiging Komunista o Sosyalista: Birada sa mga Musmos sa Anakbayan Adamson

Nakatanggap ako ng isang reaksyon sa Anakbayan Adamson na matapos sabihing amo ko si Noynoy Aquino at gusto ko lang daw makatanggap ng "mumo" dito, heto at nakikiusap na maging friends kami sa Facebook. Dalawang dila.

Nagalit ang mga Anakbayan Adamson sa komento ko sa mahina at walang kagana-ganang alyansa sa pagitan ng Makabayan at pangkating Villar-Zamora. At kailangan daw akong "markahan" bilang "anti-komunista".

Sino itong Anakbayan Adamson para markahan akong "anti-Komunista"? Sila'y mga batang musmos na walang alam sa kung ano ang maging isang "sosyalista", " komunista" o "anti-komunista". Dahil ba nagkokomento ako ng isang konstruktibong paraan, anti-komunista na ako? Na "nababaliw" na raw ako at hibang tulad ng Akbayan.

May kalayaan ang bawat isa na magbigay ng kuro-kuro sa mga nagaganap sa kilusan at tungkulin ng isang "komunista" o "sosyalista" na magbigay ng kanyang analisis sa mga bagay at payuhan ang mga kapanalig at kasama sa tunay at nararapat na landasing tatahakin tungo sa tagumpay.

Unang una, hindi ko amo ang pangkating Aquino-Cojuangco-Roxas at walang panahong akin silang pinapurihan ng hindi ko rin sila inaatake.

Mukhang mga musmos pa sa kilusan ang Anakbayan Adamson at kailangang parusahan sa kanilang mga sinasabi. Kaya hindi makasulong sulong ang rebolusyon ay dahilan sa mga tulad nitong mga batang "komunista" gaya ng mga miyembro ng Anakbayan Adamson.

Kahit kailan ay hindi ko siniraan sina Ka Satur at Liza Masa, alalaong baga'y kasama sila sa mga senatoriables na sinusuportahan ko. Maski sa blog post ko na inilathala sa Facebook, wala akong sinabing masama sa dalawang kandidato ng Makabayan. Ang sinasabi ko lang, mali ang naging desisyon ng Makabayan na makipag-alyansa sa NP, bunga ng mga bagay na nabanggit ko na.

Kaya kayo nalalagasan ng kakampi maging sa hanay ng masa, wala o kakaunti sa inyo ang nakababatid sa tunay na termino ng "komunista", "sosyalista" at wala rin akong panahong bigyan kayo ng paliwanag dahilan sa tingin ko, mumo lang kayo at walang sapat na katalinuhan upang lubusang maintindihan ang mga bagay-bagay, lalo na ang komunismo.

Nalantad lamang sa biradang ito ng Anakbayan Adamson ang tunay na lagay ng kanilang political work sa mga komyunidad---tunay silang umaaani ng masasakit na salita mula sa masa bunga ng kanilang pagka-tutang pagsandal sa perang ambon ng pangkating Villar-Zamora. Hindi ko lubusang maisip bakit ganun na lamang ang pagsamba ng Anakbayan Adamson kay Villar, na isang dambuhalang kapitalista at mang-aagaw ng mga lupain ng mga magsasaka at ordinaryong manggagawa. At hindi lamang basta-basta kapitalista--isang bilyonaryong gahaman sa kapangyarihan, isang labas ang dilang nag-aasam maging isang pangulo upang makapangamkam pa at maibalik sa kanya ang bilyong pisong ginastos sa kampanya, kabilang na siguro ang milyong pisong ambon para sa postering ng mga miyembro ng Anakbayan Adamson.

Mukhang gusto ng Anakbayan Adamson na magpatuloy ang C-5, ang panggigipit ni Villar-Zamora sa business community sa pamamagitan ng paggamit sa puwesto, maging siguro ang pagpapatag ng mga kabundukan upang patayuan ng mga sabdibisyon at high-rise condo buildings.

O, baka gusto ng mga miyembro ng Anakbayan Adamson na mabigyan sila ng mga maliliit na bahay na itinitinda ng Camella sa masa? O, siguro, napangakuan na ang mga ito ng mga bahay na karamihan ay walang palikuran.

Nabulagan na ba ng milyon-milyong pisong ambon mula sa pangkating Villar-Zamora ang Anakbayan Adamson at gayun na lamang ang silakbo ng kanilang damdamin sa sinumang magbibigay puna sa alyansang ito? O, batid nilang tunay ang aking sinasabi kaya sila parang asong ulol na nagmamarakulyo.

Kailangang magpaliwanag ang mga musmos na ito sa kanilang liderato at alamin kung naging tama o isang seryosong pagkakamali ang kanilang naging komento sa aking sinulat. Kung mabatid nila ang katotohanan, isa lamang ang aking mapapayo sa mga musmos na ito--mag-aral nang mabuti hane para gamay ninyo ang tumpak na kilos sa mga komentong ganito sa hinaharap.